RUEF US EM BREESMELI-KÄLLER

Bald scho isch s wiider eso wyt
S Fieber schtyggt, s isch (Vor-)Fasnachtszyt.
Drum mechte mir an d Bänggler glange,
kongreet gsait, dien mir jetzt schlo blange,
dass wiider gueti Bängg by uns im Käller singe
und au daas Joor e super Schtimmig aanebringe.

Wie allewyl isch an dr Fasnacht dr Käller ab de 8 voll
Und wenn I h r denn singet finde daas Alli toll.
Daas gilt fir Mäntig-, Zyschtig und Mittwuchoobe
Au doo kenne mir unseri Gescht nur loobe,
Sachverschtand, e gueti Schtimmig,
Aalli sinn zfriide, kaine isch grimmig.

Wie sich daas gheert gitts ebbis z Dringge und z Aesse
Wievyyl liggt by Eych und in Eyrem Ermässe
(Und der Käller voll Lytt - au nit z vergässe !)

Zem Zaiche ass mir is nit lumpe leen
Gitts no dr Fasnacht - so quasi als Danggerscheen -
Drfir ass Ihr uns nit hängge leent - e Sparse-Aesse
Natirlig erscht zer Sparsezyt
Aber: Esoo wie d Zyt rennt, isch au daas nimme wyt.

Mir hoffe, Ihr sind und bliibet fit und zwääg,
Mir winsche jetzt scho : SCHEENI FASNACHT
- DREY WUNDERBARI DÄÄG -

Kemmet zue uns - blyybet nit ellai oder dehai
Liebi Griess und bis denn

Lothar und Sue Holleschtai
BREESMELI - Chaise -Käller am Koolebärg 11

Reservation
Karte

Dr Käller isch offe

Jede eerscht und dritt Frytig oder wenn d Ladärne dusse isch,
amme ab de achti zoobe, meh kunnt aifach yyne.
Ebbis z'dringge und zässe gits immer.
Wotsch ebbis Schpeziells, lyt a und bschtells vor.

Reservatione fir

Znachtässe
Geburtsdaag
Hochzyt
Apero
Sitzige
Fasnacht
Bummelsunntig
Källerabstieg mit allem drum
und draa sin meeglig und erwinscht.